Servicios en comunicación Intercultural

Mundo Indígena al Día: Resumen semanal en Ashaninka, 29 de junio, 2010

Servindi, 29 de junio, 2010.- Continuamos con nuestro resumen semanal de noticias en lengua Ashaninka, gracias a un acuerdo con la Comunidad de Comunicadores Indígenas de la Selva Central (COCOI), base de la Red de Comunicadores Indígenas del Perú (REDCIP). Se autoriza la libre difusión y reproducción.

- Resumen noticias ashaninka 29 de junio (archivo mp3, 11 minutos, 36 segundos. Descargar con un clic en el enlace y elegir guardar como).

Informacion Nacional- Kenkitsarentsi anampisato

AMENAKOTERO SANKENARENTSI JITACHARI LEY DE CONSULTA.- Antyaro te onimojeitapajeji yantakeri pinkatsari, te inkoye incharinkakobentero Ley ashi sampitaantsi imajeibetakari 19ki mayo, anta Congresoki.

Aapatiabakaantsiyetatsiri yamenakobentajeitiri atiripee kemperi. AIDESEP, CONACAMI, CNA, CCP jero CONAP osankenajeitakeneri okantasanojeitake. okame amenekobentainchari teya onkanteji, irotake kari matakayeerone ankemabakajeitajea. Oshintsinajeitiri Congreso ontimatie irimatakotero amenakotantanakeari intsipaiji okame ley.

Okame kantapaincharika, okenkeshireakayetero kantanainchari chapinki tekerani otimanake antabakaantsi Baguaki, iro katsini maperobetanainchari, ikantajeitake.

Irosatiya okantakotani“yotsitibeete,” ikantiri “Perro del Hortelano” te inkoye iriyotakotero anampitsitepee,irointi ikenkeshireakoti iraye iriinti osheki kikeki.

Antolín Huáscar, amenakobentiro CNA jeri Mario Palacios amenakobentirori CONACAMI, te onnimojeiteriji kantapaincharika, teempa irointi te inkoye iriotakotero inampitsite atiripee,ikooy eiro ikarajeiteetsi amenakobentanakearorika tikakobentajeiteneki irisampitanteteri.

Yokame Gobierno itinakaashiyetakaro kariperotaantsi ,kari kantakotacha convenioki 169 okantiri OIT aisati Constitucionki política ashi nampitsi peru, ikoy ontime antabakaantsi nampitsipeeki irointitya yamenakoperoti kametsa Empresape timayetatsiri Costaki, sharakaki, ikantajeitake.

Orame Aapatiabakaantsi Konap okantake, yorame Gobierno ikoy ontimashibeetya orame sampitaantsi. Irotyame CCP okajemajeitakeri Nampitsipee maaroni, ontimatie apatobentyari katsini pinkatsari otsitibetanakeri.

Otras reacciones-Pashini Kari onimotanake.

Orame amenakobentirori tikakobentaantsi irashi atiripee jitachari Coordinadora Nacional de Derechos Humanos, amitakotanaitiro okantajeitakeri Aapatiabakaantsipee yamenakobentajeitiri atiripee, aisati Okajemajeitiri maaroni Congresista iramenakobentero kamechaji, eiro yobashiyayetabajiro kantakotitayetainchari chapinki sankenarentsiki jitachari ley.

Aisati okempetaka Instituto de Defensa Legal (Idéele) amenakotakero oka kantapaincharika te ojityaji, yoinijantaperotakaya pinkatsari te irininte ontime okame Ley.

Orame Instituto Internacional de Derecho y Sociedad okantake irori, okame yantakeri Gobierno te onkante, teempa te iroijatsatero kametsa okantakotiri Estado de Derecho.

Raquel Irigoyen okantake okame kantakotapaincharika ari okantabetakero Estado de Derecho, teempa yorame Estado eiro yobashiyaashiyetarotsi okantakotiri Estado de Derecho.

Orame ikantetiri, bien comun o interes general, eiro omata onkantabeetashitya onkisobataiyero kameetsa sabikakajeiterine atiripee inampitsitepeeki okanti Irigoyen

Yorame Jurista Español Bartolomé Clavero, amenakobentirori Foro anta Naciones Unidaski ñakobentiri atiripee timasanotitachari, Ikantake, irointiya amashitaantsi yantakerika Gobierno.

Clavero ikantasanotake, okame yantakerika Gobierno ikempeakajatiaro peraniri katsini tekerani otimanake tikaakobentajeitaantsi amenakobentiriri maaroni atiripee.

Yorame iyotinkari Carlos Reyna Ikantake, obasanketaantsiya onati yantakeri Pinkatsari Alan Garcia, yoipeatiro Democracia “Tiankanataantsi”, ora sabikaantsi kametsa yoipeakero “katikaantsi”, orame amenakoterome kametsa tikakobentaantsi te “irikobakayeroji.”

Orame Congresista Gloria Ramos okantake orame yamenakotakeri Ejecutivo ikoy eiro otimanaketsi sankenarentsi jitachari Ley ashi sampitaantsi tekatsitya kantakoterine impayetero ameniriri mineria, airiri gas, potsitajari jero pashinipee.

Okame kantapaincharika ontinaakaajatiero antabakaantsi. Yokame Gobierno te aashireriji matainchariranki chapinki Baguaki. Okantasanotake congresista Ramos.

Iro oberantaparori, orame Defensoria amenakobentirori kametsaityaantsi nampitsipeki okenkeshireakobentabakero okame Ley ashi samitaantsi, irotake amenakobentatajeitanakearime asabikajeitantyari kametsa inkemabakaantyarime Estado jero inampitsitepe atiripee, omatantanakeari antsipatabakaanakempa kametsa.

Kenkitsarentsi pashinisato Nampitsi

America Latina. Teya asabikanaje kametsa, oshonkimotapaake kariperotaantsi, tekatsiya ankenanapitsatajero atsimikaantsipee, ari ikantakeri iyotinkari Eduardo Gudynas.

Maaroni Estadopee itsaroi inkenkitakotero atsimikaantsipee, aisati Gobiernopee jitachari progresista irosati yapibeeti iriyori yamenakobentiro atsimikaantsiyetatsiri, irotake ikantakeri amenakobentirori Centro Latinoamericano de Ecología Social (CLAES).

Imatanakero iriyori iyotinkari, Jose de Echave, Ikantake, orame amenakobentirori atsimikaantsi te onkantanajeaji.

Orame atsimikaantsipee otimanaiti okantakotanaka katsini, otimanake aisati tsititakayetanakarori kenkitsarentsi impayetakeri iriyomparipe. Yamenakobentiro iriyori jibakobentirori Apatoitaantsi Cooper Accion

Arime ikantajeitaitiri, Gudynas yeri Echave, aranki Foroki antaitachari 23kiranki Junio anta irimaki, amenakobentantaitari atsimikaantsipee jero, kantabeetaantsipee jitachari Cambio Climático ¿ Jaokayatsi ajateri?”

Venezuela.- Antame computadoraki, jitachari sitio Web ashi Magicaradio ari yoinijaantetakeriri oshiakaatayetakeriri atiri kempeteeri jitachari Yanomami, okantakoita inampitsite te intimajeitaje kametsa.

Okame kamantamentotsi ashijeitari nampitsipee okamantakotakeri te irisabikaje kametsa Yanomami teempa osheki imantsiayetake okantakapakari kariperotaantsi jitachari contaminación jero aisati yobayetiri amenayetatsiri oorope, aisati osheki yantabetakayeetashitari jero aisati ikabeanayetiri, yantanayeetiri iviolayetiri.

Bolivia.- Jorame pinkatsari Evo Morales icharinkakero 24kiranki sankenarentsi jitachari Ley del Organo Judicial amenakobentajerone kametsaityantsi Boliviaki.

Ikantake okame Ley irotake matakajeerone amenakobentero kametsa tikakobentaantsi ashisanori katsini. Ajokajerotatya yameyetakeeri pashinipeki.

Ikantake aisati oranki pesatoniri Leyes timayebeitachari, irointi obakotaantsi onati poñainchari pashini nampitsi. Meekatya ontime ashisanori arori, amenakobenterone koityasantachari anampitsiteki.

Tsarobaantsi Boliviaki.- Yorame Pinkatsari Evo Morales ikantake eiroya opionkapaintatsi irako, irojokakaantero Agencia de Estados Unidos para el Desarrollo Internacional (USAID) teempa irotake kobaintsi amashibentero yamenakobetari ompashiniiteityaje inampitsiteki.

Yorame Evo yamenakobentakero orame ONGpe opinatiri jibatakaantayetirori sindicatopee amashibenterone ikenkeshireantsi iranteme inampitsiteki, aisati irointe amitakotiriri impeialismo.

Maroni Apatiabakaantsipe yamenakotiri atiripe, poñachari akakerokitanake Bolivia, intakaantarori anijeitaantsi, te onimojeiteriji kantakoyetapaincharika.

Orame coordinadora yamenakobentajeitiri atiripee Santa Cruzki okantake ari onkarajeitanakeri atiri aniijeitaintsiri, poñanainchari Trinidaki irosati iraretempa nampitsiki jitachari la Paz

Orame Centro de Estudios Jurídicos e Investigación Social (CEJIS aisati okantake te onkate ikantayetakoyetakerori ONGpee yorame Gobierno.

Sankenarentsiki antakeri CEJIS, okantake peerani antabeetita inampitsitepeki atiripee, irotake amitakotakerori inampitsitepee antantayetantakarori tikaakobentaantsiyetatsiri. Aisati amitakojeitakeri omatantakari amenakobentanaka obakerari Constitución.

Ikamantakoyetakeri Ministerio de Autonomia, tempa yamenakotatiiro kariperotaantsi ikoitya eiro yamenakobentiro kametsa yantajeitiri atiripee.

ALBA.- Pinkatsaripe timasanotitachari, jeri pashinipee apatojeitaitachari anta Cumbreki, Alianza Bolivariana de los pueblos de las Americas – Tratado de comercio de los Pueblos, isankenajeitake sankenarentsi, jitachari declaración de Otavalo

Arime ikantakaakerori ontimatie irapatotapinitya aparopeni osarintsi inkenkitsatantyarori kametsayetatsiri. amejeitaantsipee.

Okame declaración de Otavalo amenakobentakero Estado Plurinacional Unitario irotake amenakobentajanchane, nampitsiki teempa aabakajeityari kametsa maaroni kantayetirori iyotanepee.

Okame sankenarentsi antainchari 25kiranki yokame kashiri Junio, otsipatakaasanotaro declaración de las Naciones Unidas amenakobentirori ontikakobenteri atiripee timasanotitachari, teempa irotake matakobentainchari katsini añaantakarori iyotakoyetakeero antyaroite tikakobentaantsi ashijei maaroni.

Ecuador.- Orame Aapatiavakaantsi yamenakobentiri atiripee ikamantajeitakeri Alianza Bolibariana de los Pueblos de las Americas (ALBA) kari ipokantajeita apatotaantsiki.

Arame sankenarentsiki ikantakakero, kametsa pimajeitero apatotaantsi, ontimatie amenakobentya kametsa obakerari Estadotajantsine kantakojeitene maaroni nampitsisatipee, ikanteetiri Estados Plurinacionales e Interculturales.

Aisati ikamantajeitake, orame ikantayebetari Pinkatsari Rafael Correa te omatakotyaji.

Peru.- Timatsi sankenarentsi antajeitakeri aapatiabakaantsijetatsiri, kantatiri ontimatie amenakobentya intsipaite kantabetaantsi matainchari inchatomashiki anta Loretoki.

Te irakotsateriji ikantakeri Gobierno, te oshekiteji onkantabete sokaatainchari potsitajari anta onijaateki Marañon. Teempa ari ikaratiti 400 barriles sakoitaincha.

Tags relacionados: 
Valoración: 
0
Sin votos (todavía)

Añadir nuevo comentario