Mundo Indígena al Día: Resumen semanal en Ashaninka, 07 de mayo, 2010

Servindi, 10 de mayo, 2010.- Continuamos con nuestro resumen semanal de noticias en lengua Ashaninka, gracias a un acuerdo con la Comunidad de Comunicadores Indígenas de la Selva Central (COCOI), base de la Red de Comunicadores Indígenas del Perú (REDCIP). Se autoriza la libre difusión y reproducción:

- Resumen noticias ashaninka 07 de mayo (archivo mp3, 7 minutos, 52 segundos. Descargar con un clic en el enlace y elegir guardar como).

Apatotakeri kenkitsarentsi internacional, 7 de mayo, 2010

Mundo. yora pinkatsari boliviasati evo morales ipakeri sankenarentsi ban ki moon jibatakaantirori isankenati anta naciones unidaski, ora okararati sankenatakotainchari coferencia mundialki irashi atiripee amenakobentaitirori kantabeetaantsite jitachari cambio climático.

yokame pinkatsari ikarajeitaitiri apite poñayetainchari pashinipeeki nampitsi ontimantyari iriñaakaantyaro kametsa okanta kenkishirentsi sankenatakotainchari.

Colonialismo: baltazar garzon, jueshitibentirori audiencia nacional anta españaki ikantaperotake, orame iyenkitsatakotanepee atiri nampitsisatipee eiro omataja osheakotajea oraitya ari omatakea amenakobentasanotya yantayetapaakeri birakocha poñaichari pashiniki nampitsi tsonkaarantapakeriri ashitasanotarori nampitsi amerikaki

okame ikantakerika ari imatakerori aranki kitaiteriki 6 kashi mayo otimantaitari oinijanta sankenarentsi jitahari” declaración de las naciones unidas sobre los derechos de los pueblos indígenas, amenakobentantyari asabikajeite kameetsa.

ikantasanotake aisati orame kantakotachari inampitsiteki atiripee areetaro onkantakotya maaroni nampitsiyetatsiri, irotaketya okoityaantari ontime kameetsa amenakobentantsitakojeiteri teempa irotake intakaantyaroneme justicia universal jero corte penal internacional.

aisati kari amenakoperotiro kametsa tikakobentajeitiri atiripee antayetiri empresayetatsiri inkantakoyeetatiyerome irointi delito de lesa humanidad. ikanti garzón.

Mundo: yorame amenakobentirori “kantabeetaantsi” ikantetiri cambio climatico anta naciones unidaski, yvo de boer ikantake, eiroya okantaperotatsi amenakobentya cumbreki climática antachane cankunki

ari kapichapeji onkantakoyebetakea oraitya eiro omatakobentasanota. okame antanatakobentajeitero kantabeetaantsiite” jitachari cambio climático eiro aretakotitaro ikantake garzon.

de boer ikisaneetakobetakaro orame te osankenatya aparo tratado internacional vinculante irotake kari okantaperotanta.

Catástrofe ambiental: iyotakobentasanotirori ikantake orame sakoitainchari petroleo anta golfoki méxico yaretaro 40, mil barriles, amenakoperotasanotakerorika ikaratini aparajataincha aparono kitaiteri 6,4 millones de litros.

ikantake okame sakoitaincharika aimajeitaantsi onati, otimatye koraketanake kantabeetaantsi antyaroite nampitsipeeki. onkantabetanakea inchatomashipee, shimaatinkaropee yero amenakobentirori turistape anta luisianaki, misisipiki, alabamba jero floridaki.

Ecuador: apatoitaantsi yamenakobentajeitiri atiripe, kemperi ecuarunari, conaie, feine, fenocin yaajeitapaakero osaikantari asamblea nacional timatsiri kitoki, iro kantacha oipakaashitana kenkitsatakotirori ley ashi nijape yantajeibeitari.

okame yantajeitakeri irotake oshintsiperotanake teempa chapinkitake yamenakobentajeitakero, te omatya obametsikya. aisati pashinikiranki osarintsi timabetaka mesa de dialogo yantakeibetakari pinkatsari.

Honduras: jibatinkaripe ikantajeitake orame empresa minera entremares amenakotiri consorcio canadasato glamis gold osheki amake kantabeetaantsi nampitsiki jero aisati te onkamanteriji jibatinkaripe, irotakekea irakaantimentantetyariri.

Corte interamericana: orame comision interamericana tikaakobentajeiriri atiripee onijaantajiro pashini apite obakerari antanatakotiri atiripe kempeteri anta argentinaki aisati ecuadorki.

Cooperación bi nacional: orame nampitsi venezuela jero bolivia osankenajeitake aparoni sankenarentsi amitakotabakaantyari amenakobentero ametaantsitepe inampitsitepeeki atiripee kempeteri sabintarori apiteka nampitsika.

okame amenakobentainchari ompoñajea iriyomparitabakayea ikempebeitaroni pesatiiteni.

Colombia: aparo kamaintsi atiri kempeteri anta colombiaki iñabakaantakari omanatinkari jitachari farc jeri soraro colombiasati.

Mundo: orame yamenakobentiri científico anata nacioneski unidas yero universidad de cambrigdge anta reinouidoki, ikantajeitake ora shintsibentaantsi amenakobentirori eiro okantabeeta maaroni timayetatsiri eiro omatakobentatsi.

Apatotakeri kenkitsarentsi Pero 7 de mayo, 2010

Baguazo. apatyabakachari poñayetatsiri inchatomashiki aisati pashini atiriripee aapatyabakaayetatsiri, iramenakobentero irantajeitanakeri omonkaratakeka aparo osarentsi abisaintsyry baguaki 05 kashiri junio 2009ki.

orame aidesep jero aakotirori orpian aisati conakami irantajeite foro nampitsiki bagua kitaiteri 4 jero 5 kashi junio.

kitaiteri 6 jero 7 kashiri junioki irantero foro anta irimashiki inkenketsatakotero kipatsi, consentimiento previo jero neo desarrollismo. intsonkanakerorika iranijeitaite impoiji iroinijakantero sankenarentsi inpaperiri anta organización de estados americanos (oea) 8ki kashiri junio.

okame antyaro apatorentsi ijitakero "martires tikakobentirori añaantari jero inchatomatsi pero"

apatorentsikika ari impokanake ishaninka ikarajeitiri ibankoki soraro peainchari felipe bazan caballero.

Consulta. yorame amenakobentajeitirori congresoki nampitsi timajeitatsiri inchatomashi, itsonkakero imatakobentakero sankenarentsi jitachari ley marco de consulta previa ñanatakotirori ñaantsipee inchamomashiki.

Nota 14. defensoria del pueblo jeri organización internacional del trabajo (oit) itsipabentakaro iyotakairo ministerio de educacion iramenkobentero kametsa obametantsipanko irashi obametantatsiri añaneki.

yorame iyotinkaripe amenakobentirori convenio jeri kamanaayetatsiri, yamenakotakero kari onimotakeri iraye nota 14, jero ikenkeshireacotakero anteri ora estado iramenkobenteri atiripee poñayetachari inchatomatsiki. irimonkarayari inkeayete maaroni obametantsiki aparopeeki nampitsi.

Delfines. timajeitantarori nampitsi bagazan, loretoki, ikamantakobentakeri atiri shimaatinkaripee obakeriri ikarati 200 delfines abisanakeka apite osarentsi.

Tia Maria. ora empresa minera souther peru copper corporation aikero ishintsitakanakero irantero proyecto tia maria te inkenkeshireakotabakero ikenketsajeitakeri chapinkiranki itsipatakari timantajeitarori nampitsi islay (arequipa) jeri pinkatsari ejecutivo.

Escucha nuestro podcast


AÑADE UN COMENTARIO
CAPTCHA
This question is for testing whether or not you are a human visitor and to prevent automated spam submissions.