Servicios en comunicación Intercultural

Mundo Indígena al Día: Resumen semanal en Ashaninka, 12 de julio, 2010

Servindi, 12 de julio, 2010.- Continuamos con nuestro resumen semanal de noticias en lengua Ashaninka, gracias a un acuerdo con la Comunidad de Comunicadores Indígenas de la Selva Central (COCOI), base de la Red de Comunicadores Indígenas del Perú (REDCIP). Se autoriza la libre difusión y reproducción.

- Resumen noticias ashaninka 12 de julio (archivo mp3, 11 minutos, 36 segundos. Descargar con un clic en el enlace y elegir guardar como).

Resumen de noticias

Nacional

Patiri. yorame juzgado civil timatsiri maynaski, ikantake kametsatake sankenarentsiki amenakobentiriri akakoteri yorame patiri Mc Auley.

Irotake sankenarentsika irointi jokakobentakeriri tempa ikoi irijoketeri nampitsikika pero, isabikika osheki osarentsi yamitakoyetiri atiripee aisati yoameyetiri

Osheki yamitakotakeri patiri eiro yojokantetaritsi akameka nampitsikika Pero, aisati pashinipeki.

Concentración. Ikarati 34 antyaripee apatotachari ashiyetarori grupo Gloria, jeri grupo romero iritake apinti yamenakobentajeitiro 8 porciento okarati ipankitantetari pankirentsipee anampitsitekika.

Ankantetemi órame karatatsi 13 millones anampitsiteki Peru, 230,000 obantsipee yamenakoyetiri kapichaji atiripee ari okantiri kamantamentotsi yamenakobenjeitiri CEPES.

Orame amenkobentainchari okanti, orame grupo gloria okarati amenakobenti 45 mil obantsipe ankashiki, jero la libertadki aisati amekobentiro agroinsdustrialespe jitachari casa grande, caratvio, chikitoy jero sintuco ipankiyetinta sanko.

Irime oijatapairori grupo Oviedo okarati yamenkobenti 22 mil obantsipee anta lanbayekeki irosati ipankiyeti sanko, irityameka grupo romero yamenakobenti 20 mil abantsi anta regiónki san martin ipankiyeti palma irayeri kejitsi oshiantajeari shiakomentotsi.

Okame abisaincharika te onkatabetyaji, tempa apatiro yakero timimotiri osheki kireki ikantake Fernando Eguren, jibatakantirori Cepes.

Aislados, yorame pinkatsarimentirori Región Ucayali imatakero proyecto iramenakotantyariri atiripe karikera nijantacha, matakotaka meeka ora sankenarentsi jitachari sistema nacional de inversión publica SNIP.

Irotake ikenketsireajetaitiri meesaki así kenkitsarentsi yamenakobentajeitaitiri chapinkiranki 7 yoka kashiri julio anta pucalpaki.

Okame apatorentsika antaitachari iri antakantiro pinkatsarimentirori región Ucayali, instituto del bien común jero aapatyabakaantsi regional aidesep Ucayali - URAU.

Caudaloso Antyarorite. Apite kitaiteri yanibentakero huancavelikasati, ikantimentiro eiro otimajitsi empresa caudalosa chica airiri kejiopatsari.

Okame poñantakakarori kantabetanainchari osakatantakari kejipatsari chapinkiranki oshenariantanakari anta mineraki caudalusa chicaki

Otimanake opantajatapaka nijape kempe opamayo, urubamaba, cachi jero mantaroni tempa irotake irajeitiri atiripe timayetatsiri irosatri isaitirori ibankirepee yoitirir ibirapee.

Nija jitachari cachi. Orame parlamentaria juana huancahuari okantakeri jibatakantayetirori región ayacucho ontimatye iramenakobentero intsipaiji oka kantabetanainchari nijatenikika cachi.

Okame kantabetanainchari iro iyotakantakerori orame oficina de evaluación y fiscalización ambienta - OEFA

Ñaantsipee. Otimi ñaantsi yoinijantakeri pinkatsari amenamentotsiki te onkanteji tempa itsipareatiro apite nampitsi ari ikantakeri patiri Marco Arana, jibatakantirori Movimiento Tierra y Libertad.

Okame ikantakerika otimati amenakobenta kariperotantsi yantiri estado iroinmintsaroantajeityariri nampitsisatipee, teya irantetero ikanti Marco arana.

Sanpitaantsi. orame amenakobentirori inampitsisatipee, sharakasati aisati tomirishisatipee, jero kametsaiteantsi timatsiri congresoki te ontakotyaroji yamenkobentakeri pinkatsari.

Aisati ikantake otimatye apatsabentyaro oncharinkantakotantyari okame sankenarentsi jitachari ley de consulta matakotainchari chapinki 19ki mayo 2010.

Internacional

Mundo. Amenkobentirori sankenrentsi iyotakobentiro jitachari nature, okantake korakotake timatsi onkatanakya koajika irosati onkantya iratsimiketeri potsitajari.

Cianuro, yorame parlamento europasati yamenkobentakero sankenarentsi kantatsiri eiro yantajirortsi cianuro irantyariri kejipatsaripe, 27 estados ikarabentajeitakero.

Transgénicos. Koraketakeya aayateri kajeninarentsi timayetatsiri maaorni okareitei kipatsiki, aitake omatakeriri nianki ikarajeiti atiripee okame oniankitanakerika siglo iro kantachane abayetyaro obanarontsi kariperotantsi jitachari trangenicos ari ikantakeri pedro guardia poñachari abintarontsikipankoki virgen Macamarena de Sevilla timatsiri españaki

Guatemala, okantaniya empresayetatsiri itiankiri pinkatsari ojokayeteri sabikatsiri iipatsitepeki te inkemisantero sankenarentsi jitachari ley, okantake argenpress

Colombia, aapatyabakaantsi Akalinjirawa okamantake yantanayetatiriya iipatsitepeeki Wayúu iritake matiri sorarobetachari jitachari paramiliatres tempa ipokamanpea inkarajeitaperi.

Timatsi shiyakaantsi obakotainchari yotubeeki okanti nampitsi Municipioki jitachari Mosiaco osheki yamenakobentajeitiri pashinipee ontimanaitiye koajika antabakaantsi

Colombia, Orame amekobentirori kenkitsarentsi kantakotiri atiripee jaitatsiri nampitsiki amekobentakero sankenarentsi kantakotiriri inampitsitepeeki atiripee timasanotitachari berakotainchari irotake inpeajeitempa.

Brasil, yorame ministerio amenakobentirori kametsaityantsi jitachari medio ambiente yamenakobentakero ashityaro nampitsi timayetatsiri inchatomatsiki tempa okaraitei 11 por ciento oipatsytepeeki Brasil.

Brasil, antame estadoki Mato Grosso do Sul osheki ipeakoyetari atiri kempeteri sabikatsiri inampitsitepeeki ari okantakeri kamantamentotsi yantajeitiri Consejo Indigenista Misionero (Cimi).

Antame brasilki otimi antyaroite kabeabakaantsi iritake imayetiri atiripee kempeteri

Binacional, inampitsitepee atiri kempeteri sabikatsiri ecuadorki jero perookika isankenajeitake sankenarentsi amekobenterone apiteroite nampitsi eirokea oshinetantajiritsi pinkatsari ipimantero itimira kejipatsari kantabetirori aniroite kipatsi

Ley de consulta, yorame ñanatinkari anta Naciones Unidas James Anaya, yapitabajiri pinkatsarimentirori nampitsika peru ikantiri ontimatye incharinkero sankenarentsi jitachari ley de consulta matokatainchari congresoki chapinkiranki 19ki mayo okameka osarentsi

Anaya ikantake kametsa onati, matakobetainchari tempa ari opoñakari sankenarentsiki convenio 169 jero pashinipee iyotakoyetainchari.

Bolivia, Orame séptimo anijeitaantsi amenakobentirori kipatsipee antayetero akoiri arori aijatsataperotero tikakobentasanotasanotajeiteri ari okatianentaka niankipee.

Okame maoreantsitapaintsika iro matakobentakero yantantakarori sankenarentsi irotyameeka ontime omaperotanakea

Orameka anijeitanntsi ari intanaakari pashinikiranki kitaiteri, iro ikojeitiri ontime kametsaiteantsi iramenakobentya irisati atiripee.

Tags relacionados: 
Valoración: 
0
Sin votos (todavía)

Añadir nuevo comentario