Servicios en comunicación Intercultural

Mundo Indígena al Día: Resumen semanal quechua, 24 de mayo, 2010

Servindi, 24 de mayo, 2010.- Presentamos nuestro resumen semanal de noticias -nacional e internacional- en runa simi o quechua. Se autoriza la libre reproducción y difusión:

- Mundo Indígena al Día, quechua, 24 de mayo, 2010 (archivo mp3, 8 minutos, 03 segundos. Descargar con un clic en el enlace y elegir guardar como).

Teqsemuyuntinpi willakuykuna

Naciones Unidas nisqamanta. Kinsa patampi juñukuyman puriymunaqpaqmi qelqanchakuy kashanraq chay Mecanismo de Expertos sobre los Derechos de los Pueblos Indígenas, nisqapaq llikaq sonqonpi.

Chay juñukuymi aparikunqa chunka iskainiyoqmanta chunka soqtayoq p’unchay julio killata kay 2010 watapi Ginebra llaqtapi, chaypin rimarikunqa imainatas indígena nisqa waiqekuna rimariyta atinkuman hinalltaq chay Declaración de Naciones Unidas sobre los Derechos de los Pueblos Indígenas nisqamanta ima.

Chay Mecanismo de Expertos nisqaqa huq musuq chaninchaymi Naciones Unidas nisqaq ruwariysiynin indígena nisqa llaqtakunamanta sayapakunanpaq, Consejo de Derechos Humanos, nisqaq kamarimusqan.

Enlazando Alternativas sutichasqamanta. Chay Cumbre de los Pueblos Enlazando Alternativas IV nisqan tukuyapuran qayna chunka pusaqniyoq p’unchay mayo killata, huq qelqa mait’uwan kanmi derechunchis huq hina kananpaq chay modelo neoliberal nisqa hinallataq llapan tratados de libre comercio nisqakunapaqwan.

Chay junñukuymi nimun neoliberal chaninchaykunaqa " manapunin allintachu t’asquinqa gobiernokunawan llaqtakunawan" nispa.

Chay Cumbre nisqan qallpawanpuni nimun manan allinchu chay Tratados de Libre Comercio nisqakunaqa, Acuerdos de Asociación hinallataq tratados bilaterales de inversión otaq Acuerdos de Promoción y Protección Recíproca de Inversiones nisqakunaqa.

Chay acuerdo nisqakunaqa apakuran abyayalapi suyukunawan, Europa suyukunapiwan, mana llaqtaq yachasqanmi, llaqtaq mana allininpaq.

Hallp’akuna hap’iymanta. Chay Conferencia Regional de las Organizaciones, chaymanta Movimientos nisqakuna, hinallataq Oenegés sutichasqakuna iman qelqancharimunku Directrices Voluntarias para la Tenencia de la Tierra nisqata pachamamamanta qayna chunka isqoniyoq p’unchay mayo killataDeclaración de Brasilia nisqa qelqamayt’uta.

Cahypin qhawarimunku Cumbre apakuran Cochabamba llaqtapi chaiman hina apakunanmi rimaykuna imanaqtinchus waranqaq waranqanpi runakuna chaqrakunapi ayllukunapi tarikusqan raiku.

Paikunan willakamunku qolqesapakunan haykuyamushanku llaqtaykuman hallp’aykuta qechuwashanku, qarqumuwashanku llapa wawakunantinta, llapaykutan kausayniykuta chinkachipushanku nispa.

México suyumanta. Qayna viernes iskay chunka huqniyoq p’unchay mayo killatan aparikuran huq masacharisqa puririy, imaraikuchus wañuchiranku Timoteo Alejandro Ramírez tawachunka tawayoq watayoqta, hinalltaq warmintapis Cleriberta Castro kinsachunka pisqayoq watayoqta, iskaininkun wañusqa iqhuriranku wasinkupi qaina jueves iskaichunka p’unchayta.

Timoteo Ramírez, wayqeqa karqan allin humalliqmi, Trique llaqtamanta puriq hinallataq chay Movimiento de Unificación y Lucha Triqui Independiente (MULTI) nisqamanta humalliqnin.

Argentina suyumanta. Iskay waranka leguata purimuspankun tukuy hinantinmanta, imaimana riqch’ayniyoq runakunan qayna iskaichunka p’unchay mayo killata chayamuranku Plaza de Mayo nisqaman Buenos Aires llaqtaman, iskaypachaq watata yuyarispanku.

Wichí, Toba hinallataq Mocovi chaupinsuyumanta; Mapuche uranmanta; Huarpe inti haykuy ladomanta, Guaraní inti lloqsimuy cheqasmanta, Colla patanmanta, huqkunapiwan, mañarikuranku Estado Plurinacionalnisqata Argentina suyupi.

Chay puriymi qallarimuran chunka iskayniyoq p’unchay mayo killata, tukupurantaq Gobiernoq wasinpi Cristina Kirchner humalliqwan juñukuypi.

México suyumanta. Distrito Federal humalliq gobiernon kallarimuran qayna iskaichunka huqniyoq p’unchay mayo killata “Encuentro de Pueblos Indígenas, Originarios y Afrodescendientes de América Latina y El Caribe 2010” nisqa juñukuyta.

Marcelo Ebrard, Gobiernoq rantinamta humalliqmi, nimun ari mana allintachá qawariyku ñaupa llaqtayoq runakunata chaymi, mañarikuyman qawarimuchun gobierno kikin nispa.

Comisión de Derecho Humanos nisqataqmi rimarimun México suyu hatun suyu imaymana riqch’ayniyoq runakunantin kashaspan manapuni allintachu runamasinkunata qhawarimun, chayraykun usqhayta ruwasun tukuy imaimanakunata paikunapaq nispa.

Bolivia suyumanta. Gobiernopiwan Confederación de Pueblos Indígenas de Bolivia (CIDOB) nisqapiwanmi , rimanakuyta tuparachimusqaku, qayna domingo chunka soqtayoq p’unchay mayo killata, iskaychunka pisqayoq yupaipi rimanakuykunata imakunatachus Estado nisqa mana hunt’aranchu watan watan runa llaqtakunapaq chayta.

Chay rimanakuywanmi manaña sasatachu purimunqaku Riberalta - El Beni- nisqamanta La Paz llaqtaman, chaymi yuyaykusqa kasharan iskaichunka p’unchay mayo killapaq.

Peru suyumanta willakuykuna

Perú – Brasil iskaynin suyumanta. Masachasqa Perú suyumanta puriq waiqekuna llakirisqa willariranku Cancillería de Brasil nisqaman chay Acuerdo Energético apakunan Brasil suyuwan chay raiku.

Qaina chunka isqonniyoq p’unchay mayo killatan Brasilia llaqtapi rimarimuranku manan kuskamanta puririychu aswanmi brasil suyuman electricidad vendenapaq kashanman.

Chay rimanakuymi apakushan mana Perú suyuq yachasqan, manan yachakunchu hayq’as energía nisqa pisishan nitaqsi yachakunchu hayq’as puchunman chayta.

Tapukuymanta. Congreso de la República nisqan chanincharimun qaina chunka isqonniyoq p’unchay mayo killata "Ley del Derecho a la Consulta Previa a los Pueblos Indígenas u Originarios reconocido en el Convenio 169 de la Organización Internacional del Trabajo" nisqata.

AIDESEP, CONAP, CCP, CNA y CONACAMI nisqapi masachasqa wayqekunataqmi allinmi nimunku “ huq charqay qallarariymi runakunaq derechunkunata qawarinankupaq” nispa.

Ari “aqnata rimanakuyta qallarisun Estaduwan llaqtawan, Bagua chiqaspi apaukuran sipinakuy chay pataman”.

Chay Ley de Consulta nisqata qawarikunqa chayqa “manañasya, juchatariy kanqachu nitaq runa sayarinqachu llapaq derechunkunatan valechekunqa estado de derecho nisqapi kausasun” nimunku. Chayña chaypas “cananmi huq cheqaq sayay Estado nisqaq” allin apakunanpaq.

Chaynallatataqmi, chay Grupo de Trabajo sobre Pueblos Indígenas, Coordinadora Nacional de Derechos Humanos nisqamanta nimullantaq “huq puririymi” chay Ley sobre la Consulta nisqaq ikhurimusqanqa nispa.

Hinallataq nimullantaq indígenas nisqa wayqekunaq purisqanmi punakunamanta yunkamantapiwan juñurisqaqa “kusqan derechunkuta ñaupaqman orqonqaku” nispa.

Diversidad nisqamanta. Chunka qanchisniyoqmanta iskaichunka iskainiyoq p’unchaykanam aparikuran Semana de la Diversidad Biológica nisqa Pucallpa llaqtapi, Ucayali nisqapi imaimanakunawan

Chay punchaykunan aparikun Organización para la Conservación de la Flora y Fauna de la Amazonía Peruana (OCFFAP) hinallataq Asociación Juvenil Ecologista “Estigma Verde” nisqa wayqekunaq wakichisqan.

Musuq lotekunamanta. Perupetro humalliq, Daniel Saba, paimi willakamun 25 lotekunatas tariramunku Gas nisqata hinallataq petróleo nisqatawansi hasphimunqaku Marañón, Ucayali, Huallaga, Santiago hinallataq Sechura mayukunapi

Valoración: 
0
Sin votos (todavía)

Comentarios

Allillanchu!! Mil felicitaciones por el trabajo que están haciendo. Llegué a ustedes porque estoy intentando aprender el runasimi empleando distintos recursos disponibles en internet. Es muy útil para mí contar con estos audios que ustedes producen.

Un gran abrazo desde Longchamps, sur del conurbano de Buenos Aires.

Seguiremos en contacto.

muy interesante la web, pero me gustaria ayudar a difundirlo mas, mejor aun aprovechando nuestro idioma. no se como podrias crear las url de los audios para poder enlazarte a mi blog. gracias
atte feliciano, cusco, peru

Añadir nuevo comentario