Servicios en comunicación Intercultural

Mundo Indígena al Día: Resumen semanal en Ashaninka, 23 de abril, 2010

Servindi, 26 de abril, 2010.- Continuamos con nuestro resumen semanal de noticias en lengua Ashaninka, gracias a un acuerdo con la Comunidad de Comunicadores Indígenas de la Selva Central (COCOI), base de la Red de Comunicadores Indígenas del Perú (REDCIP). Se autoriza la libre difusión y reproducción:

- Resumen noticias ashaninka 23 de abril (archivo mp3, 8 minutos, 20 segundos. Descargar con un clic en el enlace y elegir guardar como).

Resumen de Noticias Internacional 23 Abril 2010

Apatotakeri kenkitsarentsi internacional, 23 kashiri abril 2010

Mundo. oka kitaiteri 22 kashiri abril, ari omatakari kenkitsarentsi yamenakobentajeitakeri nampitsisatipe sankenatakotanainchari conferenciaki mundial amenakobentirori pashinityanainchari jitachari cambio climático jero tikakobentirori kipatsi.

Okame apatoitaantsi antaitachari nampitsiki cochabambaki bolivia ikarati pokaintsiri 20 mil atiripee poñayetainchari maaroni okarati kipatsi.

Ora kenkitsarentsi yamenakobentajeitaitiri okanti amenakobentasanotatiero tikakobentajeiteeri eiro okantabeetantatsi inchatomashi aisati maaroni kipatsi.

Okantake aisati amenakobentatiyempa referéndum ontimantyari maaroni nampitsi irisampiteetero okantabeetanakaka maaroniteki kipatsi, ontimatye aisati tribunal de justicia amenakobentero maaroni nampitsipee.

Aisati yamenakobentajeitakero onkametsatantajeityari amenakobentirori mercado jitachari redd eirokya okantabeetasanotajatsi inchatomashipee.

Okanti aisati amenakobentiri oka REDD te oshirebentyaroji tikakobentirori nampitsipee aisati maaroni ameyetari jero timayetatsiri inchatomashiki.

Okantake redd, janikarika kantabeetirori inchatomashi, ontimatie impinatajero nampitsipee okantabetitapakeri inampitsite, inchatomashire jero yamejeitari atiripee.

Okame kenkitsatakoyetainchari ari aanakeari cumbreki ashi naciones unidas amenakobentantyaarori katsirinkaitetanaintsiri jitachari calentamiento climático antachane kitaiteriki 29ki kashiri noviembre irosati 10ki diciembre osarintsika, anta cancún méxicoki.

Oka cumbre amenakobentero kenkeshireantsi oipianeenterone katsirinkaitemashitaintsiri maaroniteki kipatsi jitachari calentamiento global.

Foro permanente: ompoñanakea 19ki irosati 30 kashirika abril osarintsi 2010, ari omatyari novena secion anual del foro permanente amenakobentajeitiriri atiripee ashi naciones unidas. ari omatyari anta new york estados unidoski.

Okame inkantajeiteri apatoitantsiki iramenakoyetero jitachari: “desarrollo con identidad” tempa ikantatsamentetakero apinto desarrollo amekobentainchari.

Okame desarrollotatsiri te iriñabeetasanoteroji atiripe inampitsitepeeki, omatashita ikantajeitiro iriyori iyotakotasanotiro, kemperime ikantiri pashini kempeteeeri "sumak kawsay" terika "sumak kamaña" akantiri arori “asabike kameetsa”

James anaya, ñanatakobentasanotirori naciones unidas, ikajemakero nampitsi canada jero estados unidos inpinkatsatero okantiri ora declaración irashi kantakobentiriri atiripee.

Okame apite nampitsika, te irakakotero chapinki osarentsiki 2007 otinantanakari ora declaración anta antyaroki apatorentsi.

Yorame jibatinkari aimara tomas huanacu tito ikamantakotakero foroki kariperotaantsi yantanatantetariri jibatinkaripee jitachari criminalizacion jero antyaroite kantabeetirori kipatsipeeki.

Tomas huanacu amenakobentirori coordinadora andina de organizaciones indígenas (caoi) ikenkeshireakobentabakero "oramee oashinonkaantsi, kabeayetaantsi, aimataantsi, oijanataaantsi jero pashinipee yoimintsaroantayetariri jibatinkaripee.

Ikantakotasanotakeri antyaroite kariperotaantsi yantanayeetiriri atiripee kempeteri colombiasati teempa irotake intsonkaranteteri, aisati ikempetakojeitaka chilesati aisati perokika.

Salomón awanash, atiri anampisati pero, ikantake anta foro permanenteki otimatie amenakobentya políticas inclusivas jero intsipaiji amenakobentya sankenarentsi ashi sampitaantsi jitachari ley de consulta iramenakobenteri congresoki.

ikoakakero aisati "iramenakoyeetero kametsa yapatoimentopee atiri sabikayetatsiri inchatomashiki jeri sharakasatipee, eiro yantashiyetarotsi legislación eirorika yoijatsatiro okantiri sankenarentsi jitachari instrumentos jurídicos internacionales.

Inglaterra. amenakobentaantsi omatakeri royal society de londres en reino unido, okantake oka kantabetaantsitainchari jitachari cambio climático amaatie osheki kariperotaantsi kempetachari onika, volcanes, oonkaantsipee aisati pashinipe kantabeetaantsi inchatomashiki.

Panama. ikarati 32 mil atiri kempeteri jitachari kuna, ontimatie iramenaje pashini kipatsi irasabikantajeitajeari, tempa irotake ontsitie otishimontseinapee isabikantajeitari niankimatsiki inkajare teempa oonkanaka okantakaakaro kantabeetaantsi jitachari cambio climático.

Ecuador. pinkatsari rafael correa, ikantakero empresayetatsiri petrolerapee itiankakaantatiro sankenarentsi jitachari proyecto de ley amenakotachane asambleaki nacional kantatsiri ari iraitajeri concecionespee eirorika ikoy incharinkityaro sankenarentsika.

Resumen de Noticias Perú 23 Abril 2010

Apatotakeri kenkitsarentsi Pero, 23 kashiri abril 2010

Consulta previa (irisampijeitabakeeta) yora amenakobentajeitirori congresoki nampitsi timajeitatsiri inchatomashi, imatakobentakero 21ki kashiri abril sankenarentsi jitachari ley marco de consulta previa ñanatakotirori ñaantsipee inchamomashiki.

sankenarentsika yaakotakero ikenkeshireakojeitakeri atiripee inchatomashisati jero irimonkaratakaayero okantakotiri ora convenio 169 aakakotirori ora sampitaantsi.

Nampitsi bagua ikantake ñanamentotsiki jesus manases valverde, ora isankenajeitakeri comision investigadora amenakobentirori abisaintsiri baguaki, iraretakayaro sankenarentsi nacioneski unidas aisati imperi james anaya, ñanakobentasanotirori onuki jero amenokobentajeitirori interamericana tikabobentiriri atiripee.

Agresión (POSAANTSI) yora abogado juan jose quispe antabetatsiri institutoki de defensa legal (idl), ikantake, atiri awajun asterio pujupat wachapea iposanayetakeri anta institutoki nacional penitenciario (inpe) jero ikantakoyetakeri yoakeri soraro felipe bazan soles.

CONAVIP ora coordinadora nacional irashi ashinonkayetanakeri oayeritaantsiki chapinki nampitsiki pero, antero apite congreso nacional 25koki irosati 27 kashirika abril, nampitsiki abankay, apurimacki.

Nampitsi pastaza. osheki yamenakobentajeitakero kantimoyetapaakariri chapinki inampitsiteki, maba jibatakantayetirori ora federecion de indigenas quechua del pastaza (fediquep) irijajeitatye irimashiki, iriñaakobentantyarori shonkimotiriri okantabetapaakeri empresa plus petrol jero te impinkatsatero kantakobentiriri atiripee.

Transgénicos (pashinitaantsi pankirentsi) aapatyabakaachari "pankirentsi shekiantsi" oinijaantero shiakaantsi kantabeetanainchane omataperi transgenicos jero agroquímicos pankirentsimashiki, ari omatyari 28kika abril, ijitakakero "nampitsi yora monsanto".

Transparencia (onkametsaperotantyari) 21ki abril ari onijantakari sankenarentsi jitachari "promoviendo la transparencia en el sector forestal - intakantarori kametsaperotaantsi inchatomashiki" oñaakaantakero okarati matainchari kametsaperotaantsi 49.5 por ciento.

Ora sankenarentsi ashi kamantaperotaantsi amenakobentajeitachaneme, te omatyaji. ora portales web te obakoperoteroji kametsa aisati te onijantasanoteroji ikoakoyebetarori atiripee.

Tags relacionados: 
Valoración: 
0
Sin votos (todavía)

Añadir nuevo comentario